Ինչ իրավիճակ է սահմանին այս պահի դրությամբ

ArmDaily.am-ի հետ զրույցում Գեղարքունիքի Կութ համայնքի ղեկավար Սիմա Չիտչյանն ասաց,

որ այս քանի օրը գյուղի գիշերներն առանց ադրբեջանցիների կողմից սանձազերծած կրակոցների են անցնում։

«Բայց մարդիկ արդեն ամեն մի ձայնից վախենում են։

Լինում է մեկի դարպասն է ուժեղ փակվում ՝ միանգամից հարցնում են, թե այդ ինչ ձայն էր, կարո՞ղ է կրակոց էր»,-ասաց Չիտչյանը։

Կութի ղեկավարը նշեց, որ երբեմն հեռվից կրակոց հիշեցնող ձայներ կարող են լսել, սակայն 4-5 կմ հեռավորության վրա դժվար է հասկանալ՝ կրակոց են լսել, թե այլ ձայն։

«Բացի այդ, որ կրակեն՝ մեկ անգամ հո չե՞ն կրակելու»,-ասաց Սիմա Չիտչյանը։

Оставьте комментарий