«Ապրեք, կյանքեր, լավ գործ արեցիք»․ Նաիրի Սարգսյանը անցել է ոստիկանների կողմը

Hraparak.am-ը գրում է․ Հայրենի ոստիկանությունը, որի որոշ ծառայողներ այսօր բիրտ ուժ կիրառելով, ծեծելով բերման էին ենթարկում խաղաղ անհնազանդության ակցիա իրականացնող ցուցարարներին, քիչ առաջ հայտարարություն է տարածել, թե այսօր առավոտից մայրաքաղաքի երեք տասնյակ խաչմերուկներ փակվել էին քաղաքացիների կողմից, ոստիկանության ծառայողներն արագորեն վերականգնել են երթևեկությունը, ներկայումս մայրաքաղաքում բոլոր ճանապարհները բաց են ու երթևեկելի:

Ոստիկանության այս հաղորդագրության տակ նրանց գովերգող մեկնաբանություն է թողել Նիկոլ Փաշինյանի նախկին օգնական Նաիրի Սարգսյանը, որի եղբայրը՝ Հայկ Սարգսյանը, ՔՊ-ական պատգամավոր է, իսկ ինքը մոտ երկու ամիս առաջ` անհայտ պատճառներով ազատվեց վարչապետի օգնականի պաշտոնից։

«Ապրեք, կյանքեր, լավ գործ արեցիք»,-գրել է Նաիրին, որը չորս տարի առաջ կոչ էր անում բոլորին՝ միանալ իրենց ու փողոց փակել՝ քննադատելով ոստիկանական գործողությունները։

Այսօր նա հետ է կանգնել իր սկզբունքներից ու անցել է ոստիկանների կողմը՝ մոռանալով հպարտ քաղաքացու սահմանադրական իրավունքների մասին։ Գուցե սրանով փորձում է կրկին շահել վարչապետի բարեհաճությունը եւ նորից ինչ որ պաշտոն ստանալ:

Добавить комментарий

Ваш адрес email не будет опубликован.